બને તો હવે તું તડીપાર લઇ જા
બને તો હવે તું તડીપાર લઇ જા
અમોને અમારા છજાં બાર લઇ જા..!!
નથી જીરવાતું આ આવાગમન તો
હવે કૈક કર પણ તું ભવપાર લઇ જા..!!
આ આકારમાં ગોઠવાઈને થાક્યાં
પકડ હાથ ને તું નિરાકાર લઇ જા..!!
દિવાલોનો સહવાસ બહુ થઇ ગયો છે
દીવાલોની વચ્ચેથી સરકાર લઇ જા..!!
હવે હાથ થાક્યા સમેટી સમેટી
નિરર્થક છે સઘળું પેલેપાર લઇ જા..!!
આ કળિયુગ હવે સાવ પાસે ઉભો છે
એ પહોંચે એ પહેલા તું પોબાર લઇ જા..!
-હિમાંશુ પટેલ”અદ્વૈત”